Zure pasa-hitza ahaztu duzu?

BERRIAK : ENTRENATZAILEEN ESKOLA

2021ko Otsailak 19

AITOR LOPEZ REKATEREKIN ELKARRIZKETA

Gipuzkoako Entrenatzaileen Eskolako ikastaroetan eskolak emango dituen irakaslea.

Aitor López Rekarte (Arrasate, 1975eko abuztuaren 18a) 12 urterekin iritsi zen Realera eta beheko maila guztietatik igaro zen 22 urterekin, 1991ko abuztuaren 31n Anoetan, F.C. Bartzelonaren aurka lehen taldearekin debuta egin zuen arte.

9 urtez jarraian jokatu zuen lehen mailan Realarekin. Denboraldi bat Almerian (2007/2008) eta beste bat Eibarren (2008/2009) egin ondoren, 33 urterekin erretiratu zen futbol profesionaletik.

Entrenatzaile bezala C.D Vasconian hasi zuen bere ibilbidea, ondoren  Donostiako Deusto Unibertsitateko taldea entrenatu zuen eta uda honetan AFE (Asociación de Futbolistas Españoles) taldearen konbinatua zuzendu du.

Duela hilabete batzuk, Stellar Group futbolariak ordezkatzen dituen nazioarteko agentzian ere ibilbide profesionala hasi du.

Aitor izango da martxoan hasiko diren Gipuzkoako Entrenatzaileen Eskolako ikastaroetan eskolak emango dituen irakasleetako bat.

 

Noiz erabaki zenuen entrenatzaile izatea?

Kirol-ibilbidea amaitzean, 6 edo 7 urtez futbol profesionaletik aldentzea erabaki nuen, denbora behar nuen, gero erabakiak hartzen hasi nintzen eta teknikari gisa prestatzen hasi nintzen.

Lehenik eta behin, Kirol Zuzendari titulua atera nuen 2013an, Agustin Aranzabal eta beste taldekide ohi batzuekin batera. Horren ostean, zelaiaren falta sumatzen hasi nintzen eta entrenatzaile tituluak ateratzea erabaki nuen. Xabi Alonso, Xavi Hernandez eta beste jokalari ohi askorekin batera RFEFan atera nituen tituluak. Esperientzia handia izan zen bai maila pertsonalean bai prestakuntzan.

Nolakoa izan zen zure lehen esperientzia entrenatzaile gisa?

Nire lehen esperientzia Vasconiako bigarren entrenatzaile bezala izan zen, ondoren ia 4 denboralditan Deuston egon nintzen eta oso esperientzia ona izan zen, baina maila profesionala ez zenez, entrenatzaile bezala ez zegoen asko hazterik.

Zure ustez, zer ezaugarri izan behar ditu entrenatzaile batek?

Egokitzeko gaitasuna, garrantzitsua da konfiantzazko talde batez inguratzea, delegatzen jakitea eta lidergo-gaitasuna izatea. Niretzat oso garrantzitsua da hitzaren balioa, diodana betetzea.

Teknikarien etorkizunari dagokionez, norantz ikusten duzu lanbidearen bilakaera?

Prestakuntzan hazteko joera dago, entrenatzailearen profila gero eta handiagoa da jokalari ohiena, eta nolabaiteko logika du bizi izan dugun esperientziagatik. Irakasle gisa, ni, eskolak ematen hasi nintzenetik, ikasleekin konektatzen saiatzen naiz, entrenatzaileei prestakuntza ematea ardura eta ikaskuntza da.

Nola ikusten dituzu Gipuzkoako lehen mailako klubetako entrenatzaileak?

Jose Luis Mendilibar, izugarri gustatzen zait nola lan egiten duen, bere entrenamenduak ikusi ditut eta berarekin hitz egin dut. Jokalariekin hurbilekoa da eta nahi duena zuzenean transmititzen die jokalariei, teknizismorik gabe.

Imanol Alguacil, hasiera zaila izan arren, Real Sociedad modeloaren prestakuntza osoa bere jokalariei transmititzeko gai izan da, aldagelarekin konektatzea lortu du eta lan handia egiten ari da. Maila emozionalean, oso inplikatuta ikusten da taldearekin.

Zer eman dizu futbolak maila pertsonalean?

Nire bizitza izan da, gauza asko ekarri dizkit, oso esperientzia politak bizi izan ditut eta batzuk oso zailak dira kudeatzeko, pertsona bezala asko trebatzen zara lehiaketaren presioan, baina karrera profesionala uztean konturatzen zara zenbait ezintasun dituzula, urte askotan gauza bera egin duzu eta oso txikitatik ohituta zaude besteek zure lana baloratzera. Hortaz, hazten jarraitzeko zure baitan laguntza bilatu behar duzunean, oso zaila da.

2021ko Urtarrilak 18

JOSU ZUBIA KIROL ETA ENTRENATZAILE ESKOLAREN ZUZENDARI BERRIA

Zuzendaritza Batzordeak, urtarrilaren 12an egindako bileran, Josu Zubia Federazioko kirol zuzendari eta entrenatzaileen eskolako zuzendari izendatzea onartu du.

Josu Zubia ibilbide luzea darama gipuzkoako club desberdinen entrenatzaile bezela, hala nola, Añorga, Mondragon, Aloña Mendi, Bergara, Trintxerpe, Mundarro, Aretxabaleta  eta Urola taldeentan eta baita Gipuzkoako Kirol Egokituen Federazioan ere.

Halaber, Iñaki Sena eskertu nahi genuke urte hauetan Entrenatzaile eskolan zuzendari bezela egin duen bere lana eta dedikaziogatik

 .

2016ko Martxoak 01

UZTAILEAN IKASTARO INTENTSIBOA

UZTAILEAN EGINGO DEN FUTBOL ENTRENATZAILEEN OINARRIZKO IKASTARO INTENTSIBOA EGITEKO AURRETIKO IZEN-EMATE EPEA IREKI DA. INFORMAZIO GEHIAGO HEMEN

 

.

2013ko Uztailak 02

2013-14 ENTRENATZAILEEN IKASTAROAK

Aurtengo denboraldiko entrenatzaileen I,II eta III. mailako ikastaroentzako inskripzio epea irekia dago, inskripzio hori intranet bitartez egin daiteke entrenatzaileen atalean

2013ko Urtarrilak 25

GIPUZKOAKO ENTRENATZAILEEN ESKOLAK WEB BERRIA ESTREINATZEN DU

Web berria ikusi ahal izateko “ENTRENATZAILEAK” atalean sartu behar duzue eta gero entrenatzaileen eskolan logotipoan klikatu behar duzue Web horri berria daukagu zurekin kontaktu izateko. Arlo pribatua izango dugu eskolako administrazioa, ikasleak eta irakasleak gure artean kontaktuan jartzearren. Fotokopiak amaitu dira, hemendik aurrera arlo pribatuan izango dituzu irakaslearen dokumentuak. Gainera eskola prestatzen dituen rekurtsoak (liburuak, DVD...) kontsulta dezakezu Begira zein, non eta noiz daukazu klaseak, baita alboko gelaren klaseak ere eta zalantzarik badituzu biadli mezu bat zure irakasleari

2011ko Uztailak 06