![](assets/img/content/single-post-img-770x350.jpg)
ROBERTO OLABE ETA REALAREN EREDU METODOLOGIKOA
Martxoaren 7an Roberto Olaberen “Realaren eredu metodologikoa” hitzaldia entzuteko aukera izan genuen Deustuko Unibertsitatean. Realeko kirol zuzendariak klubaren barne funtzionamenduari buruz hitz egin zuen, hala nola jokalari bakoitzaren beharren eta ezaugarrien arabera diseinatzen dituzten ekintza planak nola egituratuta dauden edota jokalariaren formakuntza urteak zein etapatan eta nola banatuta dauden azaldu zuen.
Beste behin, eskerrak eman nahi dizkiegu asteartean Deustora hurbildu ziren entrenatzaile eta ikasle guztiei. Martxoaren amaieran ospatuko da hurrengo hitzaldia; datozen asteetan emango zaie horren inguruko informazioa Entrenatzaileen Batzordeko kideei.