Berriak

Atzo arratsaldean Marcelino Garcia Toralen “Aurkariaren eragina gure sisteman” hitzaldia entzuteko aukera izan genuen Deustuko Unibertsitatean. Athleticeko entrenatzaile ohiak bere ibilbide profesionaletik eta futbolak bere bizitzan duen garrantziaz hasi eta arbelean aurkariaren arabera jokatzeko sistema ezberdinei buruzko azalpenak ematen amaitu zuen. Gainera, hitzaldiaren amaieran bertaratu ziren entrenatzaile eta ikasleek protagonistarekin interaktuatzeko aukera izan zuten joko-sistemari buruz hainbat galdera eginez.

Eskerrak eman nahi dizkiegu beste behin atzo Deustura hurbildu ziren entrenatzaile eta ikasle guztiei. Atzoko hitzaldiarekin, hasiera eman diogu Entrenatzaileen Batzordeak eta Eskolak antolatutako aurtengo zikloari. Otsailean zehar hurrengo hitzaldiaren berri emango da.