Berriak

Imanol Idiakez donostiarrak Zipreko AEK Larnaca taldea entrenatuko du. Bigarren aldiz hartuko du Imanolek talde zipretarraren aulkia, izan ere, bi denboraldiz egon zen bertan entrenatzaile modura Zipreko Kopa irabaztea lortuz. Egun, taldea Zipreko ligako 6. Postuan dago. Kasualitatez beste gipuzkoar baten lekua hartuko du Idiakezek, Andoni Iraola Usurbildarrarena hain zuzen.

2018. urtean izan genuen azkeneko hitzaldian gure presidentea den Javier Vallejok esan zuen 2019. urte honetako lehengo hitzaldia Imanol Idiakezena izango zela. Fitxaketa honen ondorioz, ezin izango dugu hitzaldia aurreikusitako egunean antolatu eta oraingoz hitzaldia bertan behera utziko dugu. Egutegiak ahalbidetzen duen egun bat adosten dugunean betiko komunikabideak erabiliz abisatuko zaizue hitzaldira etor zaitezten.

Lerro hauen bitartez zorterik onena opa nahi diogu Imanol Idiakezi eta indarra bidali Andoni Iraolari etorkizuneko erronketan pentsatzen hasteko.