Berriak

UEFA B kurtso berria euskaraz

• 14 Martxoa 2022

UEFA B kurtso berria euskaraz

Jada UEFA B euskara hutsean egiteko izena eman daiteke eta horretarako aukera egongo da martxoaren 16ra arte. Kurtsoa martxoaren 26an, astelehenean, hasiko da eta klaseak uztail erdi aldean amaituko dira. Horrez gain, praktikak egin beharko dira. Klaseei dagokienez, astelehenetan 17:00etatik 22:00etara online Zoom bidez eta larunbatetan 09:00etatik 14:00etara klase presentzialak izango dira Donostiako Deustuko Unibertsitatean. Azterketa egin ahal izateko, ikasgai bakoitzeko klaseen asistentzia gutxienez %75ekoa izan behar da. Kurtsoaren prezioa 720€-koa da.

UEFA B kurtsoan izena ematen dutenek, klaseekin hasi aurretik bi modulu egin beharko dituzte Artez enpresarekin. Moduluak irakasleek aurrez jasotakoak dira eta helburua euskarazko komunikazioa nola helarazi jokalariei izango da. Horiei buruzko informazio gehiago zehaztuko da izena emandakoan.

Euskarazko UEFA B kurtsoan izena emateko sartu ondorengo estekan. Bertan, eskatutako informazio guztia sartu beharko da: https://rfef.misquad.es/istudy_detalle_curso_web.php?id_curso=3019

Edozein zalantza izanez gero, deitu 747 426 823 telefonora edo idatzi fgf@escuelaentrenadores.com helbide elektronikora.