FINALERAKO BEROTZEN

2019/04/29

Datorren maiatzaren 11ean, Granadako “Nuevo Los Carmenes” estadioan, Erreginaren Kopako finala jokatuko dute Atletico de Madrid eta Real Sociedadek.

Gipuzkoako Entrenatzaileen Batzordeak, final hori jokatzeko egun gutxi falta direla, emakumezko futbolari buruzko jardunaldi bat antolatu du, finaleko protagonistak izango diren bi taldeetako eta Espainiako Federazioko parte hartzaileekin.

Parte hartzaileak honakoak izango dira:

 

Real Federación Española de Fútbol:

  • Jorge Vilda

Jorge Vilda, 2015. urteaz geroztik Espainiako selekzioko hautatzailea dena, duela hilabete gutxi emakumezko selekzioaren Zuzendari Tekniko izendatu zuten. Entrenatzaile madrildarra, era honetan, emakumezko kategoria guztien arduraduna bilakatu da.

  • Montse Tomé

Oviedo Moderno, Levante eta FC Barcelona bezelako taldeetan jokalari izan eta gero, gaur egun Montse Tome Espainiako selekzioaren laguntzaile teknikoa da.

Atlético de Madrid:

  • María Vargas

Atletico de Madrid klubak emakumezko taldea edukitzearen arduradunetako bat izan zen Maria, talde horren lehen entrenatzailea bihurtuaz lehenengo 7 urteetan zehar. Egun, klubaren emakumezko arloaren Kirol Zuzendaria da.

Real Sociedad:

  • Garbiñe Etxeberria

Entrenatzailea eta jokalari ohi Hernaniarra da Garbiñe. Jokalari bezala Erreginaren Kopa irabaztea zer den badaki 1987 eta 1988 urteetan baita Gipuzkoako selekzioarekin Espainiako txapeldun izatea ere. 2004. urtean Real Sociedad taldeak fitxatu zuen, Iñigo Dominguezekin batera klubaren emakumezko lehengo taldearen entrenatzaile izateko. Orduz geroztik, klubaren barruan egon da bete behar ezberdinetan, 2017. Urtean klubaren emakumezko arloaren Kirol Zuzendaria izendatu zuten arte.

  • Gonzalo Arconada

Lehenengo mailan zein bigarren eta bigarren B mailan ibilia den futbol entrenatzaile donostiarra, denboraldi bikainak eginaz. 2017-18 denboraldia hasita zegoela fitxatu zuen Real Sociedad taldeak emakumezko taldearen kargu egiteko. Bitxikeri modura, goi mailako klub bereko emakumezko zein gizonezko taldeen entrenatzailea izan den entrenatzaile bakarra da Arconada. Ligako txapelketan denboraldi ona egiteaz gain, Erreginaren Kopako finalera eraman du taldea.

 

Jardunaldia Donostiako Miramar jauregian izango da, bihar asteartea, hilak 30 eta arratsaldeko 18:30etan hasiko da.

Lehendabizi, instituzio bakoitzeko ordezkariek hitzaldi motz bana emango dute. Hauek izango dira hitzaldi horien gaiak:

Jorge Vilda eta Montse Tomé (RFEF): “Modelo de juego y Metodología en las selecciones nacionales”

María Vargas (Atlético de Madrid): “El Atlético de Madrid como impulsor del Fútbol Femenino”

Garbiñe Etxeberria eta Gonzalo Arconada: “Real Sociedad, futbol base-primera división”

Sarrera librea izango da aretoa bete arte. Hori bai, aurretik izena eman duten entrenatzaileek lekua gordeta izango dute. Era berean, delegatu, jokalari eta gainontzeko klubetako jendeak bere lekua gordeta izango dute, beti ere izena eman badute.

Izena emateko helbidea honakoa da: fgf@comiteentrenadores.com

Bertan elkar ikustea espero dugu!

GIPUZKOAKO FUTBOL ETRENATZAILEEN BATZORDEA